قصة خيالية عجوز تتحدى ابليس

قصة خيالية عجوز تتحدى ابليس

قصص خياليه قصص روعه قصص عجيبه قصص خيال قصه خياليه قصه غريبه قصة خيالية


كان يا ما كان في قديم الزمان …… …
كان فيه أمراة عجوز قاعدة بروحها

وفجأة طلع لها ابليس ………
العجوز خافت وسمت بالرحمن

…قالها ابليس :أنتي يا عجوز هل تعتبرين نفسك داهيه

العجوز: نعم أنا داهيه ……….. والنساء عموما كيدهن عظيم

أبليس: أنا أتحداك……..وبنشوف مين كيده أعظم …..المرأة ولا أبليس

العجوز :خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز بالرهان.

O.k :أبليس

راحت العجوز حق واحد من هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس…….
اذا تبي فلوس لا تتدخل ولا
تتكلم وافق الشاب لأنه طفش من البطاله ويبي فلوس

راحت العجوز ومعاها الشاب لمحل قماش وقالت له أتنتظرني عند باب المحل

…دخلت المحل وخذت قماش غالي وراحت تفاصل تاجر القماش

العجوز: رخص يا بن الحلال …

التاجر :اذا أنتي ما عندك فلوس أخذي شيء أرخص

العجوز : ما أقدر ….لازم ولا بيصير شي ء ما صار

التاجر :ليش …..لها لدرجه …..شسالفه

العجوز:شفت الشاب اللي واقف عند باب المحل ..هذا ولدي

..يحب له وحده متزوجه وهي تحبه ولما تتطلق من زوجها …ولدي بيتزوجها

وهو قال لي أن عارضتي الزواج أطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته باسمه العجوز تبكي

التاجر: خلاص هونيها وتهون والله كسرتي خاطري ….خلاص أنا أعطيك القماش

ببلاش….وعسى الله يأجرني

العجوز طلعت مستأنسه وقالت حق الشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

العجوز:آه يا بنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز: مشكوووووورة ما تقصرين إن شاء الله أردها لك (تعمدت تنسى القماش ) وطلعت.

الزوجة:حرام نست قطعة القماش …أكيد بترجع بعد شوي وتأخذها

بروح أحطها بالدولاب..

تاجر القماش رد لبيته وتغذى ذاك الغدا السنع ونام شوي .

قام العصر وفتح الدولاب بيغير ملابسه عشان يروح محله ……مفاجأة قطعة القماش

وعرف أن المرأة اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها.

العجوز كانت تنتظر هاللحظه في أخر الشارع فراحت لها تركض

العجوز: وش فيك يا بنيتي ليش تبكين

الزوجه : زوجي طردني …وما أعطاني فرصه أتكلم .

العجوز: خلاص أنا بأوديك بيتي وأنا بروح أحل المشكلة

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي )

ذهبت الشرطة وقبضت على الشاب والزوجه ….وقطوهم بالسجن.

العجوز: ها ها وش رايك يا أبليس دورك اللحين حل المشكله

أبليس : لا لا ما أقدر أحلها السالفة تشربكت مرررررررة

العجوز: أنا راح أحلها وكأن شيء لم يكن ..
وراح أربح الرهان

راحت العجوز تزور الزوجه بالسجن وقالت لها :أنتي ساعدتي مرة

وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد

مكانك.

الزوجة:مشكووورة ….لكن أنتي

العجوز: مالك شغل مثل ما طلعتك بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشو مسوين

ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

طابه علينا وماخذينا السجن .

عصب الوالي وهزأ الشرطه وما عطاهم فرصه يتكلمون ويقول: غلطانين

وتبون تتكلمون.
شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز : وش رايك يا أبليس أنا فككت السالفه سهله

أبليس : أنتي ربحتي ….
يما………يما أن كيدهن عظيم
انحاش منها وهو خايف

::منقول للامانه

شكرا على القصه روووعه :Twilight: :PinkiePie3:

شكراApple BloomApple Bloom مممشكوووووووووووووووووووووووة ع القصة حلوووة

شكرا للجميع نورتم الموضوع ^^

هههههههههههههههههه جميلة القصة

صحيح ان كيدنا عظيم ههههه

شكرا المووضوع جمميل جدا

شكرا ع القصة رووعه

واو القصه عن جد خياليه
مشكورة يا عسسسوله

شگرا

حلوة قصصك ابل بلووم لا تحرمينا من جديدك....

بصراحة القصة قريتها اكثر من مرة
لانه رائع يستهل ابليس
خخخخخخخخ

ان شاء الله اصير زيكم اكتب قصص.....

خخخخ مشگوورهه

:Twilight: :Twilight: :Twilight:

شكرا نورتم الموضوع ^^

twilight sparkle مو انا اللي اكتب القصص

هذي منقوله من موقع ثاني

اهاا طيب بس على الاقل نقلتيها هنا لنستمتع ونستفيد منها شكرا.....

ههههـ
حلووهـ
من جد قصصهـ خيآليهـ مشگوورهـ

قصص كثيرة وجميلة يا ريت اي واحد يشوووف قصة عاجبته ينقلها للمنتدى علشااان نستمتع ونتعلم منها.......^^

اموتـــــــــــــــــــــــــــــــــــــــــــــــ
فيـــ هاذيــ القصة
راائــــــــــــــــــــعة
....،ــــــــــــــــــــــــ

شكرا ابل بلوم Apple Bloom
قصة جميلة :Twilight: :Twilight:
احببت القصة

شكرا على الردود الحلوه

و ان شاء الله احط قصص اكثر

العفو ولو هذا واجبي

ان شاء الله ^^

نورتي الموضوع :15:

شگرإأ اطلق قصه