ع السرير الابيض الحلقة الاولى

على السرير الابيض
بعد آلام دامت معى لاكثر من سنة قررت اخيرا ان اذهب الى الطبيب ولم يكن هذا من عاداتى لانى غالبا لا افضل الاطباء ولكنى لم اعد استطع احتمال الالم ..كما ان خالتى اصرت على ذهابى للطبيب فهى من يقوم برعايتى بعد فقدانى ابى وامى فى حادث منذ كان عمرى سنتين..
منذ ذلك اليوم واعتبرتنى ابنتها وانا اعتبرتها فى منزلة امى حتى اننى صرت اناديها امى .
ذهبنا للطبيب واخبرته بما اشعر به وعندها امتعض وجهه ولم افهم سبب ذلك الامتعاض الا بعد ان ظهرت نتائج التحليل فى اليوم التالى .. فقد اخبرنا الطبيب اننى مصابة بسرطان الرئة منذ فترة ..حينها صدمت ولكن صدمت خالتى كانت اكبر .
ولكن الطبيب هدا من روعنا قليلا باخبرانا ان كثيرا من المرضى تم شفاءوهم وان مرضى لا يزال فى طور السيطرة ولكن يجب ان ابدا العلاج فى اسرع ما يمكن ..وعرض علينا احد الامرين اما تلقى العلاج فى البيت واما الذهاب الى المشفى ..ارادت خالتى ان تبقينى تحت رعايتها فى المنزل ولكنى رفضت لانى لم ارد ان اكون عبئ ثقيلا عليها فقد احتملتنى ثمانية عشر عاما ولم تكل ولكن سيصعب عليها رعاية مريضة وخاصة انها لم تعد شابة ...لذلك فضلت البقاء فى المشفى وتلقى العلاج هناك
حدد الطبيب ميعاد ذهابى الى المشفى واعطانى فرصة كى اجهز نفسى وبالفعل رتبت امتعتى ..وودعت خالتى بعد ان تركتها لدى اقاربى ..وهى ايضا ودعتى ودموعها تنهمر على وجنتيها فهى لم تفراقنى يوما مذ ان كنت صغيرة شا ركتها ابتسماتى واهاتى ودموعى ..ضمتنى بين ذراعيها واوصتنى بنفسى واخبرتنى انها لن تنقطع عن زيارتى ولن تكف عن الدعاء لى ..لم اكن اعلم هل سابقى فى الحياة لارى خالتى ثانية واسمع دعاءها لى ام اننى
سافارق الحياة قبل ذلك ..
بعد وداع خالتى ذهبت الى المشفى فانا لم يكن لدى احد اخر لاودعه لم يكن لدى اصدقاء لاننى كنت القب باليتمية كان ذاك اسمى الذى انادى به من قبل زميلاتى وحتى المعلمين فلم ارد ان احدث اى منهم وظللت وحيدة طوال فترة الدراسة و حتى اقرابى تخلوا جميعا عنى بعد وفاة والدى حتى اننى لم اكد اتعرف عليهم عند رؤيتهم مصادفة..
وتخيلت ان ذلك ما سيحدث فى المشفى ايضا ..فقد اخبرنى الطبيب (عامر) صديق والدى انه حجز لى غرفة خاصة بالمشفى ..فققرت اننى ساجلس بغرفتى ولن اختلط باحد ..
وفعلا بعد ان اوصلنى الطبيب عامر الى المشفى واصطحبنى الى غرفتى ودعنى بعد ان اوصى بى الاطباء فهو لم يكن يختص بمرضى ولم يعمل فى تلك المشفى ...جلست بالغرفة اتامل كل ركن فيها فهذه الغرفة ستكون عالمى من الان وصاعدا وربما تكون قبرى ايضا ..كانت غرفة متوسطة الاستاع حوائطها زهرية اللون ويغطى زجاج نافذتها ستارة رقيقة بالوان زاهية رائعة ..كان سريرى ملاصقا للحائط وامامه منضدة موضوع عليها تلفاز وفى الجانب الاخر كان هناك دولاب صغير ا ليحمل ملابسى ..وبعد ان تاملت الغرفة احسست اننى احببتها وشعرت بالراحة داخلها.
وما ان هممت لافرغ حقيبتى حتى سمعت الطرق على الباب فتحت فمى لاذن للطارق بالدخول ولكنه كان اسرع منى ...ففوجئت بها تفتح الباب وعلى وجهها ابتسامة عريضة
"صباح الفل يا قمر"
تلك العبارة ادهشتنى فانا لم اتعرف اليها بعد فابتسمت وانا لا اظالى انظر اليها ..ولكن ما ادهشنى اكثر انها دخلت واغلقت الباب خلفها وجلست بجوارى على السرير وسترسلت فى الحديث.
-"ايه لسه ما اخدتيش على المكان ولا ايه ..كلها يومين وتتعودى علينا .بصى يا ستى انا (رحاب ) الممرضة اللى هتبقى مسئولة عنك ..ايه رايك مبسوطة صح "
لم يكن لى خيار ان انفجر من الضحك ..لماذا لا اعرف وكيف ايضا لا اعرف ..وانفجرت هى بالضحك هى الاخرى ..
-حلو اوى يبقى كده دخلت قلبك اسمك ايه بقى ..
(وكانت على صواب فهى حقا دخلت قلبى ..)
-اسمى "امل"
_عاشت الاسامى يا امل..ايه رايك نسيبنا من حكاية مريضة وممرضة ونبقى اصحاب ؟؟
(نست قرارى اننى لن اختلط باحد فهى حقا دخلت الى قلبى)
-موافقه
-طيب ايه رايك نروح دلوقتى افرجك على المستشفى.
(لم اكد ان اجيبها حتى فتح الباب وكانت ممرضة زميلة رحاب)
- بسرعة يا رحاب... الدكتور سعيد محتاجك فى اوضة يوسف
- معليش يا امل ابقى افسحك يوم تانى ...
(قالتها رحاب وهى تركض مسرعة ...فاجبتها بامائة راس انى موافقة
اغلقت الباب ورائها وذهبت لافرغ حقيبتى وانا لا ازال افكر فى رحاب وكيف جعلتنى اتنازل عن قرارى ...ودرات بينى وبين نفسى احاديث كثيرة .
ظللت بغرفتى احدث نفسى قليلا وانظر من نافذتى قليلا حتى حل المساء وذهبت الى سريرى لانام ...وما ان بدات اغفو حتى انتفضت مرعوبة فقد سمعت صوتا غريبا لم ادرى ما مصدره ولم استطع تفسيره ولكنه كان يشبه الى حد ما صوت الاشباح كان ات من الغرفة التى تجاور غرفتى فما يفصل بينها جدار واحد.... صار قلبى يخفق بشدة من شدة الخوف فانا وحدى بالغرفة وانا لم اعتد ذلك وذلك الصوت اتى ليزيد الامر تعقيدا
وضعت راسى على السرير مرة اخرى ولكنى لم استطع النوم ايضا فقررت ان اتحدى خوفى واذهب لارى ماهو مصدر ذلك الصوت الغريب ترجلت عن سريرى ببطئ وخوف شددين وارتديت معطفى وحجابى وذهبت على اطراف اصابعى نحو الغرفة المجاورة ..وجدت بابها مغلقا ولكنى لا ازال اسمع ذالك الصوت ..فوضعت اذهنى على الباب لعلى استطيع تفسير تلك الطلاسم ..وبعد ان فهمت بضع كلمات انقطع الصوت فاندهشت ولكنى لم ابعد اذنى عن الباب ..وفجأة فتح الباب وخرج منه شئ ما لم ادرى ماهو ولكنى صرخت ووقعت ارضا............
الى اللقاء في الحلقة القادمة

الحلقة الثانية....الغرفة المسكونة
ايقظتنى اشعة الشمس المتسللة عبر نافذتى ..نهضت عن السرير وذهبت لاتوضأ ولكنى كنت اشعر ان هناك شئ ماء غريب ..تحسست راسى فوجدتنى ارتدى الحجاب ..اندهشت للحظة ولكن سرعان ما تذكرت ماحدث بالامس وتمنيت ان تنشق الارض وتبتلعنى ..ولكن لحظة من الذى حملنى الى سريرى احمرت وجنتاى وازدادت ضربات قلبى ..ايعقل ان يكون هو؟؟؟؟
.............................................
- "صباح الخير"
- "صباح الخير"
- بقت كويسة
- تقريبا... لسه مشفتهاش قلت اعدى عليك الاول ..هههههههههه بس انت كان شكلك امبارح فظيع علشان كده قلت استنى للصبح واسالك ايه اللى حصل
- طبعا لازم يكون شكلى فظيع ..الموقف كان غريب
- طيب يلا قولى بقى ايه اللى حصل
- مفيش ..انا كنت خارج للجينة لانى زى ما انتى عارفة مش بعرف انام كويس باليل ..بفتح الباب وفجأة لقيتها صرخت فى وشى ووقعت على الارض ..لو انتى مكانى كنتى هتعملى ايه
- ههههههههههههههههههههههههههه
- بتضحكى ؟؟
- طيب لو مكنتش معدية بالصدفة كنت هتعمل ايه ؟؟
- مش عارف ...يلا روحى شوفيها وسيبينى انام
- طيب

.................................................. ......

تركت غرفة يوسف وتوجهت الى غرفة امل ..تركت الباب فلم القى منها اجابة ففتحت الباب ودخلت ..فوجدتها جالسة غارقة فى تفكير عميق ووجنتاها حمرواتان .اتفربت منها فلم تشعر بى ...
جلست بجوارها
- "صباح الفل"
- رحاب ...كنت لسه هدور عليكى
- ليه خير
- رحاب مين اللى جابنى امبارح لحد الاوضة
- امممممممممم ..مين يعنى انا طبعا
- الحمد لله ..ريحتينى كنت همووت من الرعب
- وانتى ايه اللى خلاكى تروحى هناك اصلا
- ماانتى اللى غلطانة
- ليه بقى ؟؟؟
- ازاى متعرفنيش ان الاوضة اللى جنبى فيها ناس
- معليش ياقمر ..لكن برده مقلتليش ايه اللى وداكى هناك
- بعدين .
- طيب ..طبعا اكيد جعانه
- تقريبا مكلتش من امبارح
- طيب تحبى اجيبلك الفطار هنا ولا تنزلى تحت فى المطعم
- لا هنزل المطعم
- طيب يلا وانا هستناكى تحت علشان اقولك ايه اللى المفروض تاكليه وايه اللى ممنوعه منه
- طيب

.................................................. .......

واخيرا وجدت المطعم ..توقفت تقريبا عند الباب لابحث عن منضدة مناسبة لى واثناء بحثى وجدته يجلس على احدى الطاولات ..استدرت للخلف سريعا لارحل ...فانا لا اريده ان يرانى مرة اخرى بعد ذلك الموقف السخيف ..وما ان استدرت حتى وجدت رحاب تقف خلفى.

- رايحة فين؟؟
- غيرت رايى هفطر فى اوضتى
- ليه كده ..تعبانة
- لا مفيش بس ..افتكرت انى مش جعانة ..يلا سلام
(واتجهت الى غرفتى سريعا قبل ان تسالنى سؤال اخر)

..........................................
رايتها وهى تنظر الى ثم اسرعت فى الرحيل.اظنها لا تريدنى ان اراها بسبب ذلك الموقف ...توجهت الى غرفتى وانا افكر كيف ان ما حدث لا يعنى لى شيئا وانى لست غاضبا ؟؟
ضغت على ذلك الزر كى تاتى الى رحاب ..وبعد ثوانى طرقت الباب فاذنت لها بالدخول .. الباب قد فتح ولكن لم تكن رحاب هى من تقف خلفه....
الى اللقاء

الحلقة التالتة(شئ فى صدرى)
قررت ان اتشجع والمم قوتى واذهب لاعتذر ...فمن الواضح ان فترة اقامتى ستطول وغرفته ملاصقة لغرفتى ومن المحتمل ان اصادفه فى وقت ..جررت قدماى فهما لم تريدا الذهاب ولكن يجب ان انهى ذلك الموضوع ..وقفت امام باب الغرفة قليلا ..اخذت نفسا عميقا وطرقت الباب .....تمنيت الا يكون بالغرفة ولكن للاسف اذن لى بالدخول .اردت ان اجرى ولكنى لم استطع ....اخذت نفسا عميقا اخر وفتحت الباب ...- سلام عليكم- وعليكم السلام...أ..أ..اتفضلى- متشكرة انا بس جاية اعتذر لحضرتك عن الموقف اللى حصل وبجد انا مكنتش عارفة ان الاوضة فيها حد ولما سمعت صوت جاى منها جيت علشان اعرف فى ايه- حصل خير... مفيش مشكلة- طيب بعدئذك انا هرجع اوضتى- اتفضلى...........................................ب عد ان ذهبت شردت بذهنى قليلا وانا افكر بهذه الزيارة الغير متوقعة ...وفجأة ظهرت رحاب امامى- امل كانت بتعمل ايه هنا؟؟؟- براحه يارحاب ..امال لو مكنتش انا مريض وانتى الممرضه كنتى عملتى فيا ايه- ما علينا ...امل كانت بتعمل ايه هنااا- هيا اسمها امل- اه- كانت بتعتذر عن الموقف اللى حصل- اها...طيب كنت عايز ايه- نسيت- طيب اتفضل جهز نفسك علشان ميعاد الجلسة قرب- رحاب....- نعم؟؟- تفتكرى ...هخرج من هنا على رجلى ولا....- يوسف...قلتلك روح حضر نفسك..(اعرفه منذ ان جاء الى هنا منذ سنتين ..كان التشاؤم يملؤه ..لم يكن يتحدث الى احد لم يكن يخرج من غرفته الا لحضور جلسات الاشعاع ولكن سرعان ما تحسنت حالته النفسية ..احبه كل من فى المشفى من عاملين ومرضى واطباء ..ولكن لا فكرة عدم الشفاء تستقر فى نفسه ...فقد اكتشف مرضه فر مرحلة متأخرة نسبيا وان نسبة الشفاء ليست قوية...ولكن ذلك العلاج الاشعاعى يمنع المرض من الانتشار ومن ناحية اخرى تجهيزا لعمليه جراحية نسبة نجاحها ضئيلة....لم اشعر يوما انى ممرضة وهو المريض المسئول منى ولكنى اشعر وكأنه اخى الصغير)........................................... لم اعلم لماذا ظل عقلى مشغول بالتفكير فى ذلك الحوار القصير الذى دار بيننا وكلما تذكرته ..اخذت دقات قلبى بالتسارع ..ايعقل ان يكون............ال................................ ...........ضغطت الزر وانتظرتها تأتى....وبعد ثوانى- نعم ...عايز ايه ؟؟؟- طيب قولى سلام عليكم- سلام عليكم ....عايز ايه؟؟- وراكى حاجة ...- لأ..ليه- عايز اتكلم معاكى شوية.- فى ايه؟؟- اصل انا.....- امممممممم- انا- اممممممم- تقريبا.... تقريبا...انا بحب
الى اللقاء <<<<<<<<<<<

الحلقة الرابعة

.ضغطتالزر وانتظرتها تأتى....وبعد ثوانى

- نعم ...عايزايه ؟؟؟

- طيب قولى سلامعليكم

- سلام عليكم ....عايز ايه؟؟

- وراكى حاجة ...- لأ..ليه

- عايز اتكلممعاكى شوية.

- فى ايه؟؟

- اصل انا

.....- امممممممم

- تقريبا.... تقريبا...انا بحب

- بتحب؟؟؟؟

- اه...بحب الشوربة من غير ملح...وانتى عارفة

- اه عارفة وعلى طووول بجيبها لك من غير ملح

- بس النهارده مختلفة

- ااااااااااااااااه ..يبقى لخبطت بينك وبين الاوضة اللى جمبك

- .................................................. ......

كانت اول مرة احدث فيها خالتى منذ ان اتيت الى المشفى كانت قلقلة ولكنىها اطمئنت عندما اخبرتها عن رحاب وكم هى طيبة .......بعد ان انهيت المكالمة نظرت الى الطاولة فتذكرت الغداء الذى احضرته رحاب.....وكان مكون من ارز وقطعة دجاج وبعض الحساء الذى بدات باحتسائه ولكن سرعان ما تركته وبعدته من امامى...فقد كان يخلو من اى ذرة ملح

وضعته كما كان واتجهت الى الارز ..فوجدت حاله كحال الحساء يخلو من الملح

شعرت ان ثمة امر غريب ..فطعام المرة السابقة لم يكن هكذا ..وفى اثناء ذلك طرق الباب شعرت انها رحاب فأذنت لها بالدخول....ما ان نظرت الى حتى انفجرت من الضحك

- فى ايه؟؟؟؟ بتضحكى على ايه؟؟؟

- اصل انتى مش شايفة شكلك عامل ازاى...انتى اكلتى من الاكل دا

- اه ..ليه

- علشان كده...

- صحيح الاكل النهارده غريب ليه

- اصل انا لخبطت بينك وبين يوسف

- مين يوسف؟؟؟

- اللى فى الاوضة اللى جنبك

- بجد؟؟

- نعم

- قصدى ...طب وهو اكله من غير ملح

- اه ..

- ليه هو عنده ايه بالظبط؟؟

- سرطان الكبد

- اها ....طب وليه جاى المستشفى مع انه شكله يقدر يتعالج من البيت

- دى حكاية طويلة احكىهالك بعدين...انا هروح علشان عندى شغل

- طيب

(اسمه يوسف....لم ادرى ماذا حدث لى عندما ذكرت رحاب اسمه ..ازدادت دقات قلبى وغمرنى شعور جميل لم اشعر به من قبل ولكنى طالما سمعت عنه وتمنيت ان اشعر به ولكنى لم اتوقع ان يكون هنا وفى مثل تلك الظروف)

.................................................. .......................

(كدت ان افصح بما شعرت به ولكنى تراجعت فى اللحظة الاخيرة ..فانا لم اتاكد بعد ولكنى شعرت بشئ غريب عندما رايتها وتكرر نفس الشعور عندما ذكرت رحاب اسمها .... ليست اجمل فتاة رايتها ولكن حياؤها هو من جذبنى اليها دون ان اشعر ولكن حتى الان كل ما اعرفه عنها هو اسمها )

.................................................. ..................

(انتظرت رحاب ولكنها لم تاتى ......فضغط على الزر لتاتينى.وما هى الا ثوانى ووجدتها تطرق الباب فأسرعت لافتح لها الباب )

- اتأخرتى ليه؟؟؟

- اتاخرت على ايه؟؟؟

- مش قولتيلى هنكمل الموضوع بعدين

- موضوع ايه ؟

- الموضوع اللى كنا بنتكلم فيه

- لا حول ولا قوة الا بالله ...موضوع ايه يا بنتى

- موضوع.... موضوع.... يوسف

- ااااااااااااااه ..بقى انتى مصحاينى من احلى نومة علشان تقوليلى كملى موضوع يوسف...ثم مالك مش على بعضك ليه؟؟؟

- لأ ولا حاجة بس زهقانة ..فقلت نتكلم مع بعض شوية

- لأ مش داخلة دماغى

- هى ايه دى؟

- حكاية زهقانة دى

- يعنى ايه

- يعنى لازم اعرف الحكاية كلها من البدايه للنهاية

- لأ مفيش حكاية ولا حاجة

- طيب يلا انا ماشية

- لألأ استنى ...هقولك وامرى لله

- اتفضلى كلى... آذان صاغية

- امممم...عارفة لما تشوفى حد فيدق قلبك قوى وكده يعنى

- آآآآآآآآآآآآآآآآآه ...قولتيلى ..كده فهمت ده الحب من اول نظرة صح

- يعنى....تقريبا

- طيب بصى يا ستى ...يوسف ابن راجل اعمال كبير وهو بيدرس ادارة اعمال بناءا على رغبة والده ...وهو وحيد

- طيب طالما والده رجل اعمال كبير كده ...ليه بيتعالج هنا فى المستشفى

- تقدرى تقولى انه مش على وافقه مع والده ووالدته

- ليه

- مش عارفة بصراحة...وانتى بقى

- وانا ايه

- احكى لى عنك

- انا يا ستى والدى ووالدتى ماتوا وانا عندى سنتين ..خالتى قالتلى لما كبرت أنهم ماتوا فى حادثة بس مش عارفة ليه مش مصدقة

- ازاى يعنى

- خايفة اقولك تقولى عليا مجنونة

- لا قولى

- ساعات بفتكر موقف شفته وانا صغيرة قوى وكل لما افتكره ..احس انى مرعوبة وخايفة جداااا بس مش قادرة افتكر الموقف بالظبط

- طيب وده اىه علاقته بوفاة والدك ووالدتك

- ماهو الموقف ده كنت انا مع والدتى والدى كان معانا وكان فى حد غريب مش قادرة افتكره

- قصدك ان والدتك ووالدك مامتوش فى حادثة وماتوا......

- مقتولين

(تحدثت انا ورحاب لوقت متأخر من الليل ..وبعد ان تركتنى وذهبت ذهبت الى سريرى ولكنى لم استطع النوم فعقلى كان مشغولا بالتفكير ...فجلست على السرير ووضعت راسى على الحائط بجواره فهذا هو الحائط الذى يفصل بينى وبين .......)

الى اللقاء,,,,,,,,,

وآاآاآو رآئع ^^ ~
تسسلمي قلبي ~
ودي | تقبلي مروري ! ~

» كائنات تحت البحر الابيض المتوسط
» الحلقه الاولى من انمي Bratzillaz
» نقآش الحلقـه الاولى و الثآنيـه
» هل تقرأ(ي) صفحات الموضوع غير الصفحة الاولى ؟؟
» الحلقه الاولى و الثانيه الجزء الثالث